如何面對情緒問題?曾俊華靠發呆:會發好長時間

曾俊華

前財政司司長曾俊華,日前出席由關注情緒病的慈善團體,所營運的第一個社會企業的開幕禮,並為店舖開幕剪綵,而他今次特意帶同妻子及女兒出席,表示除了讓妻女親身感受及認識外,還打趣道「最重要是發掘多一個讓她們買靚衫的熱點」。

萬綺雯(左一)及曾俊華(右二)擔任剪綵嘉賓

鼓勵孩子發呆

曾俊華又分享如何面對情緒問題,談到時興發呆一分鐘,他深表認同說:「我鍾意發呆,而且唔止一分鐘,會係好長時間!我好鼓勵家長畀孩子多啲發呆嘅時間,可以增加思考。我有時亦會搵朋友,大家談天說地一番。事實上每個人都會遇到困難,但辦法總比問題多,只要保持信心,以開闊嘅眼光睇世界,自然咩都可以解決!」

曾俊華鼓勵孩子多啲發呆,可以增加思考

構思多元計劃

曾俊華認為大眾千萬不要忽視情緒健康的重要性,更熱心地構思一項多元計劃,希望可為關注這社會問題的人士提供參考,他坦言其計劃主要分為五個層面:「第一係為前線醫護、社工等紀律部隊,提供如何處理情緒問題人士嘅培訓;第二係修改學校課程,協助老師教導學生包容嘅意義,自小培養同理心;第三係鼓勵僱主培訓員工認識情緒健康;第四係鼓勵媒體行業正面處理情緒問題題材嘅故事,唔好誇大模式化嘅現象、渲染社會問題;第五係要喺社區推動同理心,刪除對情緒病問題嘅負面標籤。」

分享: