靠「發呆」處理情緒問題 萬綺雯自爆海邊發呆被誤以為想做傻事

萬綺雯

藝人萬綺雯及前香港財政司司長曾俊華日前出席由關注情緒病的慈善團體,所營運的第一個社會企業的開幕禮,並為店舖開幕剪綵,萬綺雯在剪綵期間更呼籲大家有捐衫、多到市集消費,還祝福市集開遍各區,既讓情緒病康復者獲得社會共融,也讓更多有需要的市民受惠。

萬綺雯(左一)及曾俊華(右二)擔任剪綵嘉賓

自我放鬆好重要

談到如何處理情緒問題,萬綺雯直言會選擇「發呆」,不過「發呆」卻帶給她一次蝦碌經驗:「我試過到海邊放空睇日落,只係想靜一靜,但竟然有途人見到我一個女仔坐喺海邊,以為我想做傻事,走過嚟關心我,其實人與人可以好有人情味。總之自我放鬆係好重要,試吓咩都唔做靜一靜,當你放鬆過後企起身,再次面對社會,你先會知之後嘅路點行。」

她又寄語大家每當遇到情緒困擾,千萬不要將以前的問題,一次過拿出來清算,認為今天的問題就是今天的事,想辦法解決就好:「過去會將以前類似嘅人同埋事一連串勾起,咁樣會將自己推入牆角;我哋嘅生活都充滿壓力,不妨搵朋友同屋企人傾訴,或者搵醫生尋求專業意見,其實過咗一段時間就冇事,所以切勿鑽牛角尖。」

萬綺雯透露試過喺海邊發呆被誤以為想做傻事

林建明即興搞拍賣

至於慈善團體創辦人林建明表示非常感謝萬綺雯及曾俊華身體力行撐市集開幕禮:「好多謝佢哋百忙中抽空、長途跋涉嚟天水圍支持我哋,兩人真係好有心,對我哋做社企嘅充滿鼓勵,亦建立咗好榜樣,畀更多人為社會嘅情緒健康出一分力,共建善良、和諧,心情自然更美好!」林建明更在開幕禮結束時大玩即興,將店內由萬綺雯所捐出的自家製陶瓷拿來拍賣,給有份出席的執委和義工競投,並由萬綺雯親自頒贈,成功為市集進帳,打開社企的新一頁!

林建明感激萬綺雯及曾俊華支持
分享: