分分鐘瓜得!黃浩然患怪病全因太搏命

黃浩然(右)(Instagram圖片)

藝人黃浩然日前接受電台節目主持人梁泰來的電台訪問,講到他29歲便與拍拖4年的女友莫家嘉(Kaka)結婚,算是早婚的他卻表示自己與太太同屬傳統的人,注重中國人的禮儀,同時亦會要求兒子要遵守長幼有序。

他說:「我覺得一個人除咗事業就係家庭,咁先算係一個圓滿嘅人,而一個家庭都需要有小朋友,如果我搵到個啱嘅女仔咪結婚,冇諗咁多。我同太太都覺得依家呢個時代唔似以前,鍾意就鍾意,唔會因為結婚後變得唔鍾意,但原來我結婚之後好多(藝)人都係早婚,好似做咗『小先峰』一樣。我又唔紅,冇咩可以輸!亦都搵到啱嘅人咪結婚。」

怪病因疲勞壓力引起

黃浩然因香港電影業萎縮而在2001年轉投電視圈,當時他加入無綫視自己的最後一舖,故此他為事業拼命衝刺,結果卻捱出怪病:「記得我攞飛躍進步獎嗰年,《公主嫁到》同《義海豪情》重疊咗一個月,我兩套劇都係做男二,基本上一個月有6、7組通告係踩40、50個鐘,能瞓都只得3、4個鐘,基本上係快要死。」但正因為這樣,他完成兩部劇後身體出現問題,更患上貝賽特氏症,他坦言是與作息不足與壓力有關:「我個病嘅起因係疲勞及壓力,免疲系統出現問題。最初係口腔痱滋生咗一個月,之後一直都冇好轉,仲愈嚟愈嚴重,成個口腔都係痱滋,全部爛晒,後期嚴重到講唔到嘢,面部亦開始生痘痘,眼睛血管嘅末端發炎又引致雙眼通紅。」

那個晚上相當難捱

黃浩然憶述當時他在傍晚入院,做了一些內臟化驗,但結果要等到早上得知道,他坦言那個晚上相當難捱:「如果內臟真係發炎,有幾嚴重又係未知之數,嚴重嘅話真係分分鐘瓜得!後來用類固醇去醫,一找到合適嘅類固醇就好快控制咗病情。」而他在2014年大病初癒後,便開始減產專注家庭。

分享: