【隨時生得】官恩娜晒巨肚 同囝囝鼻貼鼻勁溫馨

歌手官恩娜(Ella)今日(12號)於社交網上傳一張與囝囝BéBé G躺在床上的照片,相中見到兩母子非常甜蜜般鼻貼鼻,囝囝更用手輕撫Ella塊面,認真溫馨!

囝囝享受校園生活

而Ella在留言中透露,因為當初因為囝囝於10月出世,故此有掙扎過應否讓他上學,但後來見到囝囝享受校園生活,所有掙扎及糾結都一掃而空:「上個星期日開學之前已經同我地(哋)講佢想返學,點知夜晚開始發燒搞到要係(喺)屋企休息幾日,今日見佢開開心心出門口,老公同我講佢返到學校好開心!見到佢咁享受學校生活,而且返咗學之後佢識多左(咗)好多嘢!我當初因為佢係10月出生嘅細B,唔知俾(畀)唔俾(畀)佢返學嘅掙扎同糾結終於完全冇哂(晒)!」

官恩娜同囝囝好Sweet呀(Instagram圖片)

隨時生得

另外現時Ella已經懷孕9個幾月,可以說是隨時生得,她在社交網的限時動態中上傳一張擺滿泵人奶所用的工具的照片,今日再上傳一張用手遮胸騷巨肚的照片,並寫上「Anytime now」,看來她已預備好迎接小生命的來臨!

官恩娜已經執定泵人奶工具(Instagram圖片)
官恩娜晒巨肚(Instagram圖片)
分享: