大爆選美趣事 羅霖「爆冷」贏拗手瓜大賽:搞到生人勿近

藝人羅霖與「仁美清敘」主席程瑤早前為美容品牌於網上開live,分享護膚心得,同於91年參選亞姐的兩人保養得宜,而且身形弗爆。兩人期間更笑談當年參選時的往事,包括當年參選時到西班牙拍攝節目的點滴。

冇人諗過羅霖會贏拗手瓜

程瑤在直播中大爆羅霖當年除了贏得選美冠軍,參選時還勝出另一比賽:「記得當時大家喺西班牙拍攝,等埋位嗰陣一班女仔就諗遊戲打發時間,舉行咗拗手瓜大賽,至於羅霖就係當時嘅冠軍,連當時被大家視為拗手瓜大賽大熱門嘅王瑋都輸畀佢。」羅霖起初都似乎冇乜印象,但相隔一會後突然尷尬笑說:「估唔到你仲記得呢件事,係咪睇唔出我咁大力呢?我記得當年我冇被睇好會贏,當時贏咗連現場工作人員都覺得愕然。」

程瑤爆羅霖拗手瓜稱霸

程瑤提議再搞拗手瓜大賽

羅霖笑言雖然成為「女大力士」,但因此在拍攝期間變得「生人勿近」,連工作人員也不敢埋她身:「可能佢哋怕被我整傷,不過自從嗰次後就再冇同人拗手瓜。」程瑤則表示可再搞一場拗手瓜大賽,讓王瑋有復仇機會:「睇吓羅霖仲係咪Keep住咁大力!」

羅霖直言自己贏了拗手瓜比賽後搞到「生人勿近」
分享: