無綫強推直播平台 葉家寶:電視平台仍有存在必要

創世電視總監葉家寶昨晚(25號)以恆愛傳情籌委會副主席身份出席恆愛傳情頒獎典禮,同場有藝人袁潔儀。今次活動由紫荊社主辦,問到葉家寶日後創世電視會否與紫荊社合作搞類似活動?他表示:「會o架!我哋創世電視都做緊個感動香江嘅計劃,我過往都做過『感動香港』,發現當中好多參賽,甚至得獎嘅都係基督徒,所以就諗係咪基督徒都可以做到個專程係講感動香江嘅故事,或者係做人物記錄咁。」而他早前透露過要為電視台籌集4,300萬製作、裝修經費,對此家寶表示現計劃於1111日舉辦慈善步行籌款,並希望不論任何平台的藝人都能邀請參與,更謂有意找袁潔儀及一班亞視的舊同事幫手,又言若邀請已過檔無綫的前亞視藝人,也會依足程序先詢問無綫。

葉家寶認為電視平台仍有存在必要
葉家寶認為電視平台仍有存在必要

不能單純只做傳統電視

另外談到日前無綫強勢力推直播AppBig Big Channel」,貌似欲放棄電視平台改為網上、直播等平台發展,問到家寶是否也認為電視平台無法走下去時,他坦言:「唔係電視冇得做,而係唔可以單純淨係做傳統電視。」他認為要結合新媒體或多元活動,才能令整個電視出來的效果更立體,更言電視有存在的必要:「始終新媒體點盛行,但都有人會返屋企睇電視,最緊要係咪有合適嘅內容,同埋可以靠新傳媒嚟廣泛宣傳同配合。睇返TVBBig Big Channel都係做個直播平台,以佢啲藝人動態、台前幕後事件為主,其實都係一個宣傳窗口。

袁潔儀、葉家寶
袁潔儀、葉家寶
分享: