曬母女合照 黃心美愛的告白:你健康快樂就好

藝人黃心美(Scarlett)貴為「宅男女神」、ViuTV台花 ,外貌身型當然煞食,不過Scarlett除了有外在美之外,內在美同樣吸引,皆因她跟媽媽感情要好的同時仲非常孝順!

想媽媽回流香港

Scarlett於社交網上傳一張與媽媽的合照,並留言說:「媽,啱啱同你facetime好開心呀。過去幾年因為好多理由成日叫你回流返香港⋯鍾意daddy有你陪,鍾意你照顧得baconmuffin好好,鍾意你煲嘅湯,鍾意你嘅笑聲,鍾意你喺身邊。」她表示一直都希望媽媽可以回流香港與她們一起,並很喜歡有媽媽的陪伴,可惜媽媽卻偏向想留在溫哥華,她現在亦理解媽媽的想法:「不過我唔係你,我冇辦法感受到你喺溫哥華嘅快樂同喺香港嘅唔快樂。依家我會諗,或者俾你做你自己鍾意嘅事亦係孝順嘅一種。只要你健康快樂就好!」

最後Scarlett指今次媽媽回港卻因為自己工作繁忙而未能經常陪伴媽媽,但祝媽媽一路順風,並對媽媽說:「唔好等到聖誕節先再返嚟呀!love you

網民話「有洋蔥」

網民見到Scarlett對媽媽的留言都直言「有洋蔥」,仲大讚Scarlett孝順女!同時都有網民指兩母女笑容勁相似,果然是有優良的基因,更笑問:「其實黃媽會唔會呷醋架 黃爸上世咁多靚女情人 」

分享: