同袁文傑撞樣? 翟威廉尷尬話:袁文傑自己都咁講

大家又覺得似唔似? (社交網圖片)

有時一套電視劇的威力真係可以好強勁,當一個角色彈出的話,走在街上定有不少途人會認出該藝人的名字或者其角色名,然而若果只是恰好跟該爆紅的對象「人有相似」的話,不時被認錯的話都咪話唔尷尬!

阿姐問:做乜你兩個人咁似嘅?

話說袁文傑近期憑住《不懂撒嬌的女人》的「游生」成功彈起後,同樣姓「游」的游學修就即刻畀人認錯做袁文傑,而最近又有另一個藝人受苦,那人正是翟威廉!昨晚周志文於社交網上傳一段影片,片中首先見到翟威廉好無奈兼尷尬咁話:「係啦,袁文傑自己都咁講呀!」然後就見到兩位茶餐廳阿姐笑住講:「都話似啦,真係似,做乜你兩個人咁似嘅?」原來翟威廉被人認錯做袁文傑,見到他這麼無奈,都有可能並非第一次被認錯做對方!

至於周志文更幸禍樂災般留言說:「今次《城市驚喜》嘅男主角就係近排俾人話似袁文傑嘅宅威廉,喺餐廳中俾人發現,仲一度被人追問點解你上鏡高咁多,一臉尷尬嘅威廉都好誠實咁同大家講佢只有186,最後姐姐都送上例湯一碗紀念今日認錯人事件 。」

翟威廉被認錯做袁文傑(Instagram影片截圖)
翟威廉被認錯做袁文傑(Instagram影片截圖)
翟威廉都好尷尬(Instagram影片截圖)
翟威廉都好尷尬(Instagram影片截圖)
周志文Instagram留言
周志文Instagram留言
分享: