肥媽以過來人身份講家暴:嗰種創傷係永遠

無綫訪談節目《關你家事》昨晚的主題繼續圍繞家暴,上集講到肥媽(Maria Cordero)自爆曾經歷過前夫家暴,更認為自己是這悲劇的罪魁禍首。

而今集裡面個案主角Wilson表示希望已離婚的父母能重新在一起及一家團聚,然而對此肥媽卻直言不同意!肥媽表示:「希望所有嘅子女,因你哋嘅寄望呢,係一家人齊齊整整就好快樂,你記得,個快樂係你嘅,我唔介意我啲仔女同邊個結婚,因為我想佢快樂,相對嘅做仔女一樣,我唔介意我媽媽有冇丈夫,或者會唔會嫁過第二個,或者爸爸會唔會娶過第二個,因為最緊要佢幸福。」

被人打的創傷係永遠

肥媽直言其他人沒有辦法去明白一個受家暴的人內心的創傷,期間更講到淚崩:「就係……當你被一個人……打嘅時候,嗰種創傷……嗰種身體……唔係你講兩句可以抹咗。尤其是自己啲仔女被人打,係幫唔到嗰種創傷,唔係你哋講佢已經改咗喇,你o依家做咩呀?改功課呀?佢做完作業之後、改完功課,得喇畀佢pass咩?唔係呀,嗰種創傷係永遠㗎!」

肥媽 (影片截圖)
肥媽 (影片截圖)

離開前夫開心到飛起

肥媽又坦言當時離開時前夫的快樂是旁人難以明白:「嗰種快樂呢真係好似飛天咁,真係好似可以飛嘅咁!其實一家人齊齊整整唔使住埋一齊,只要每個禮拜有一日我哋約定啦,爸爸媽媽妹妹同我一齊食飯好開心,係Quality time唔係Quantity time。」最後肥媽重申子女不會明白被家暴的人的恐懼,那種創傷並非只有肉體上。

分享: