被迫簽悔過書 洪永城自爆誤帶北韓書被捉

北韓可謂全球最神秘的地方,不過越神秘的地方越引起人們的興趣,不少的人士都喜歡前往北韓旅行,藉此嘗試探究這個地方,然而22歲美國大學生瓦姆比爾(Otto Warmbier)前年12月在北韓旅遊期間因偷政治標語被捕,並於去月3月以顛覆國家罪被判15年勞改,而北韓稱瓦姆比爾被判刑後因肉毒桿菌中毒和服安眠藥昏迷至今,至上周終被釋放,美國醫療團隊在檢查後表示他腦部組織嚴重受創而成植物人,然而他最後卻在周一逝世,事件震驚全球!

帶北韓書被捉

而曾到北韓拍節目《在那遙遠的地方》的藝人洪永城得悉消息後亦於今日在社交網留言並回憶自己兩年前的經歷:「當時我由中國丹東進入北韓平壤海關嘅時候,我犯咗個低級嘅錯誤,我帶咗本喺香港買嘅北韓書,我唔記得擺低喺中國,老實講,有關於北韓嘅書都冇乜邊本係講好嘢㗎喇,最弊就係封面套咁啱係將金生嘅肖像接咗一半,佢一搵到嗰一刻,我成身喺度震。」

無意威脅金正恩政權

他透露當時當地官員看到後立馬拉他入一間房間內並審問書中內容:「我梗係話唔知啦,睇都未睇過….但唔知邊度躡出嚟一位識普通話嘅女士,揭開本書喺度讀喎,好彩本書唔係我寫,之後佢淨係要我簽一份悔過書,要我承認本書唔係我寫、唔贊成書入邊寫嘅嘢、無意威脅金正恩嘅政權等等…..之後就俾我走,最後講咗句 “no worryenjoy your journey”。」

最後洪永城提醒一班想到北韓旅行的人士千萬不要帶有關北韓的任何資料並刪除電話內有關金正恩的照片。

洪永城Facebook留言
洪永城Facebook留言
分享: